Genesis 3 (Fante/Mfantse)

1. Afei abowatsena no yɛ onyitsewfo kyɛn hamu abowa biara a Ewuradze Nyankopɔn ayɛ. Na ɔsee ɔbaa no dɛ, Ampaara dɛ Nyankopɔn ase dɛ, mma hom nndzi ture yi mu ndua nyinara bi?

2. Na ɔbaa no see abowatsena no dɛ, ture yi mu ndua n’eduaba no yɛwɔ ho kwan dɛ yedzi bi:

3. Na dua a osi ture finimfin no n’eduaba no na Nyankopɔn ase dɛ, Mma hom ndzi, nkyii so mma hom mfa hom nsa nnkā, amma hom eennwuwu.

4. Na abowa tsena no see ɔbaa no dɛ, Hom nnkowu ara ampa bi.

5. Osiandɛ Nyankopɔn nyim dɛ da a hom bedzi bi no, hom enyi bobue na hom ayɛ dɛ Nyankopɔn, woehu papa nye bɔn.

6. Na ɔbaa no hun dɛ dua no ye dɛ wodzi, na ɔyɛ enyiwa do fɛw, na dua no yɛ akɔndɔ dɛ ɔbɛtsew enyi no, ɔtseew n’aba no bi, na odzii, na ɔmaa ne kun a ɔka no ho no so bi, na odzii.